Tokio Olimpiadasına qazanılan lisenziyalar ləğv olunmayacaqbackend

Tokio Olimpiadasına qazanılan lisenziyalar ləğv olunmayacaq

Tokio-2020-yə lisenziya qazanmış idmançılar Olimpiadada iştirak hüququnu qoruyacaq.

KONKRET.az– ın məlumatına görə, bu barədə qərarı Beynəlxalq Olimpiya Komitəsi verib.

Qurum beynəlxalq federasiyalarla məsləhətləşmələrdən sonra qərara alıb ki, təxirə salınan Yay Olimpiya Oyunlarına əldə olunan lisenziyalar ləğv olunmasın. Yaponiyada iştirak üçün vəsiqə qazanmış atletlər gələn il baş tutacaq yarışa qatıla biləcəklər. Onlar 2021-ci ildə təşkil keçiriləcək Oyunlar üçün yenidən təsnifat xarakterli turnirlərdə çıxış etməli olmayacaqlar.

Qeyd edək ki, iyulun 24-dən avqustun 9-dək keçirilməli olan Tokio-2020-nin özü kimi bəzi təsnifat turnirləri də təxirə salınıb. Baş tutan seçmə yarışlarında Olimpiadaya vəsiqələrin müəyyən hissəsi sahiblərini tapıb. Azərbaycan isə Olimpiadaya 15 lisenziya qazanıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*