ABŞ Prezidenti Donald Tramp Böyük Britaniya kralı III Çarlzın dəvətini rəsmi olaraq qəbul edib və sentyabrın 17-19-da Britaniyaya ikinci dəfə səfər edəcək.

KONKRET.az axar.az-a istinadən xəbər verir ki, bu barədə Bukinqem Sarayı məlumat yayıb.

Qeyd edək ki, Tramp Böyük Britaniyaya iki dəfə yüksək səviyyəli səfər edən ilk ABŞ prezidenti olacaq. İngilislər heç vaxt ABŞ prezidentini, o cümlədən yenidən seçilənləri iki dəfə dövlət səfərinə dəvət etməyib. Tramp ilk dövlət səfərinə 2019-cu ildə Kraliça II Elizabetin ev sahibliyi etdiyi vaxt gəlib.