ABŞ prezidenti Donald Tramp, İranın Fordo şəhərində yerləşən uran zənginləşdirmə mərkəzinə zərbə endirilməsi ideyasını ciddi şəkildə nəzərdən keçirir. Bu barədə CBS News mənbələrə istinadən məlumat yayıb.

KONKRET.az xəbər verir ki, məqsədin İranın qısa müddət ərzində nüvə silahı əldə etməsinin qarşısını almaq olduğu bildirilir.

Mənbələrin sözlərinə görə, Trampın komandası bu addımı strateji xəbərdarlıq və qarşısını alma məqsədi ilə qiymətləndirir.

Fordo nüvə obyekti yerin altında dərinlikdə yerləşir və bu, onun hərbi zərbələrdən qorunmasını çətinləşdirir. ABŞ-ın əvvəllər bu obyektə qarşı istifadə edə biləcəyi silahların təsir gücünün məhdud olduğu da qeyd olunmuşdu.