ABŞ Prezidenti Donald Tramp Rusiya Federasiyasının Ukraynadakı münaqişənin başa çatdırılması və atəşkəsin təmin olunması ilə bağlı öz təkliflərini hazırladığını bildirib. Bu barədə ABŞ-ın nüfuzlu Axios nəşri məlumat yayıb.

KONKRET.az xəbər verir ki, Tramp Rusiya Prezidenti Vladimir Putindən razılaşdırıla biləcək bir variant təqdim etməyi xahiş etdiyini də açıqlayıb. Onun sözlərinə görə, bu təkliflər əsasında münaqişənin diplomatik yolla həlli istiqamətində irəliləyişə nail olmaq mümkündür.

Donald Tramp bu bəyanatı ilə ABŞ-ın münaqişədə vasitəçi kimi iştirakını davam etdirməyə çalışdığını göstərsə də, bəzi beynəlxalq müşahidəçilər onun bu addımını Ukrayna maraqlarına zidd mümkün razılaşma kimi qiymətləndirir.

Hazırda həm Avropa ölkələri, həm də Ukrayna tərəfi vəziyyəti diqqətlə izləyir və ABŞ-ın mümkün diplomatik təşəbbüslərinin detalları ilə tanış olmağa çalışır.

Natiq Səlim,
KONKRET.az