ABŞ Prezidenti Donald Tramp ölkədə TikTok-un qadağan olunmasını nəzərdə tutan qanunun qüvvəyə minmə tarixini uzada bilər. O, deyib ki, əgər razılaşma əldə olunmasa, müddətin uzadılması mümkündür.

KONKRET.az xəbər verir ki, Tramp bu barədə NBC News-a verdiyi müsahibədə danışıb.

Qanuna əsasən, Tik-Tok Amerika şirkətinə satılmadığı təqdirdə ölkədə qadağan edilməli idi. Əvvəlcə bu qadağa yanvarın 19-da qüvvəyə minib, lakin həmin gün tətbiqə giriş yenidən mümkün olub.

Prezident Tramp vəzifəyə gəldiyi ilk gündə bu qanunun icrasını 75 gün müddətinə dayandıran sərəncam imzalayıb. Aprelin 4-də isə bu müddəti daha 75 gün uzadıb.

Aynurə İsmayıl

KONKRET.az