ABŞ Prezidenti Donald Trampın oğlu Erik Tramp gələcəkdə prezident seçkilərində iştirak edə biləcəyini istisna etməyib.

KONKRET.az xəbər verir ki, o, bu barədə Yaponiyanın Nikkei qəzetinə müsahibəsində bildirib.

“Yox demirəm, amma bəli də demirəm”, – deyə Erik Tramp vurğulayıb. Onun sözlərinə görə, prezidentliyə namizədliyini heç vaxt tam olaraq istisna etməyib, lakin biznes sahəsini daha çox sevdiyini etiraf edib.

Erik Tramp hazırda kriptovalyuta sahəsində fəaliyyət göstərən World Liberty Financial şirkətinə rəhbərlik edir.