“Azərbaycan Türkiyə şirkətləri ilə Qarabağda bərpa və yenidəqurma işləri üçün 3,4 milyard dollarlıq müqavilə imzalayıb”.

KONKRET.az “İnterfaks”a istinadən xəbər verir ki, bunu Azərbaycan-Türkiyə investisiya forumunda ölkənin iqtisadiyyat naziri Mikayıl Cabbarov deyib.

Ümumilikdə, son üç il ərzində Bakı ölkənin cənub-qərbində infrastrukturun bərpasına 7 milyard dollardan çox vəsait ayırıb. “Sevindirici fakt odur ki, Türkiyə şirkətləri işğaldan azad edilmiş ərazilərdə bu layihələrdə fəal iştirak edir”, – deyə nazir bildirib.

Bundan əlavə, Cabbarov gələcək investisiya planlarını da bölüşüb: “Azərbaycan investisiya şirkəti türkiyəli tərəfdaşlarla danışıqlar aparır və kiçik su elektrik stansiyalarının bərpası üçün beş layihə hazırlanıb”.

Qeyd edək ki, Bakı 2026-cı ilin sonuna kimi 140 min nəfəri Qarabağa köçürməyi planlaşdırır.