Türkiyə 2022-ci ilin oktyabrında Rusiyadan kömür, neft və təbii qazın idxalını 25% azaldıb.

KONKRET.az RBK–ya istinadən xəbər verir ki, bu barədə Türkiyə Statistika Təşkilatı (TÜİK) məlumat yayıb.

Bildirilib ki, sentyabrda Rusiya şirkətləri bu mallara görə 5 milyard dollar, oktyabrda isə 3,7 milyard dollar əldə ediblər.

TÜİK-in hesabatlarına görə, oktyabrda Rusiyadan kömür və karbohidrogen tədarükü 2021-ci ilin eyni dövrü ilə müqayisədə (1,28 milyard dollar) 2,9 dəfə artıb.

Ümumilikdə yanvar-oktyabr aylarında Türkiyə Rusiyadan təxminən 50 milyard dollar dəyərində mal idxal edib.

Daha əvvəl “Bloomberg” yazıb ki, Ankara dekabrın 1-dən xam neft daşıyan tankerlərin boğazlardan keçməsi üçün əlavə tələb tətbiq edəcək. Agentlik qeyd edib ki, Türkiyənin sığorta tələbi Rusiya ixracını ciddi şəkildə çətinləşdirə bilər.

İqbal Rzayev,

KONKRET.az