Türkiyəli fenomen yol qəzasında dünyasını dəyişib.

KONKRET.az milli.az-a istinadən xəbər verir ki, Kocaelidə motosikletlə yük maşını toqquşub, sosial media fenomeni Deniz Servan Narin ağır xəsarət alıb.

Deniz Servan Narin ağır vəziyyətdə Kocaeli Şəhər Xəstəxanasına çatdırılıb, lakin orada həyatını itirib.

Motosiklet sürücüsü Servan son olaraq sosial mediada motosikletinin səsini “müalicə” şərhi ilə paylaşmışdı.

Qeyd edək ki, onun 2 milyona yaxın izləyicisi vardı.