Rusiyanın Leninqrad vilayətində qaz terminalı yanıb. Yanğından əvvəl şahidlər iki partlayış səsi eşidiblər.

KONKRET.az xəbər verir ki, bu barədə Mash Telegram kanalı və Leninqrad vilayətinin qubernatoru Aleksandr Drozdenkonun mesajında ​​deyilir.

Mənbənin sözlərinə görə, müəssisədən 150-yə yaxın insan təxliyə edilib. Heç bir itki yoxdur.

“Novotek şirkətinin Ust-Luqa limanında yerləşən terminalında baş vermiş yanğın nəticəsində ölən olmayıb. Şəxsi heyət təxliyə edilib. Yanğının söndürülməsinə Fövqəladə Hallar Nazirliyinin qüvvələri cəlb olunub”, – qubernator bildirib.

Eyni zamanda Rusiyanın “Fontanka” nəşri hadisədən əvvəl iki pilotsuz təyyarənin ərazidə uçduğunu yazır.

“Ust-Luqada yanğından bir müddət əvvəl hava hücumundan müdafiə qüvvələri Sankt-Peterburqa doğru uçan iki PUA-nı müşahidə ediblər. Şəhərə yaxınlaşanda onlar kursunu dəyişərək Leninqrad vilayətinin Kinqisepp rayonuna tərəf gedib. Təxminən saat 3.20 radələrində “Novatek” qaz anbarına hücum edilib”, – məlumatda deyilir.

Burhan,

KONKRET.az