Dnepr çayının sol sahilində Ukrayna Silahlı Qüvvələri quru əməliyyatlarını davam etdirərək əlverişli mövqeləri ələ keçirib..

KONKRET.az xəbər verir ki, Krınki yaxınlığında rus qoşunları ilə amansız döyüşlər davam edir.

Müharibə Araşdırma İnstitutunun (ISW) analitiklərinin icmalına əsasən Ukrayna Silahlı Qüvvələri Dnepr çayının şərq sahilindən Rusiyanın mövqelərinə ağır zərbələr endirir.

Rusiyanın yüksək rütbəli hərbçiləri Krınki kəndi yaxınlığında (Xersondan 30 km şimal-şərqdə) döyüşlərin davam etdiyini təsdiqləyib və Ukraynanın ərazidəki əməliyyatlarının ardıcıl yüksək tempini qeyd ediblər. Bundan əlavə, onlar iddia edirlər ki, Ukrayna qoşunları böyük Potemkin adasında (Xersonun cənub-qərbində) yeni mövqelər ələ keçiriblər.

Natiq Səlim,

KONKRET.az