Ukraynada daha bir rus general öldürülüb.

KONKRET.az xəbər verir ki, məlumatı InformNapalm layihəsi təsdiqləyib. Məlumatda bildirilir ki, bu gün Artemovsk-Lısiçansk şosesi yaxınlığında gedən döyüşlər zamanı rusiyalı general-mayor Roman Kutuzov həlak olub.

Bu barədə ruslar matəm postları paylaşıb və Ukraynaya qarşı müharibədə daha bir rus generalının həlak olması barədə məlumat yayıblar.

Söhbət Artemovsk-Lısiçansk magistral yolu istiqamətində həlak olan general-mayor Roman Kutuzovdan gedir.

Generalın Rusiya Federasiyasında ölüm şəraiti açıqlanmır, lakin onun “əsgər kimi, döyüşçü kimi getdiyini” qeyd edirlər.

Xatırladaq ki, mayın əvvəlində ABŞ kəşfiyyatı Ukraynada 8-10 rus generalının öldüyü barədə məlumat verib. Bu təxmindir və o vaxtdan bu rəqəm artıb. .

Prezident Aparatı rəhbərinin müşaviri Mixaylo Podolyak qeyd edib ki, onun fikrincə, Ukraynada 80 minə yaxın həlak olmuş və yaralanmış rus əsgəri var.

Xuraman Etibarlı,

KONKRET.az