Cənubi Afrika Respublikasında daha 19 nəfərdə vəba xəstəliyi aşkar edilib.

KONKRET.az xəbər verir ki, bu barədə yerli rəsmilər məlumat yayıb.

Yoluxmalar Qautenq əyalətində qeydə alınıb. Son sutkada vəbaya yoluxan 10 nəfərin öldüyü bildirilir.

Ümumi yoluxma sayı barədə açıqlama verməyib.

Qeyd edək ki, kəskin ishal və qusma ilə müşayiət olunan vəba əsasən çirklənmiş qida və ya su ilə yayılır. Müalicə edilməzsə, bir neçə saat ərzində öldürə bilər.