“WhatsApp” digər şəxs zəngə cavab vermədikdə səsli mesaj buraxmağa imkan verən avtomatik cavab verən funksiyanı təqdim edib.

KONKRET.az Milli.Az-a istinadən xəbər verir ki, bu barədə “WABetaInfo” portalı məlumat yayıb.

Belə ki, yenilik “WhatsApp”ın Android üçün 2.25.23.21 nömrəsi altında beta versiyasında müşahidə edilib. Tətbiqin bu versiyasının zəng interfeysində “Zəngi bitir” və “Yenidən zəng et” arasında yerləşən “Səsli mesajı yaz” düyməsi görünür.

Düyməni basdığınız zaman qeyd avtomatik olaraq başlayır, daha sonra buraxılmış zəng bildirişi ilə birlikdə söhbətə göndərilir. Hər iki bildiriş birləşdirilərək istifadəçiyə aralarındakı əlaqəni başa düşməyə imkan verir.