Azərbaycanla Ermənistan arasında sazişin elan edilməsi iki ölkə arasında dialoq prosesində yeni bir hadisədir. Bu razılaşma vasitəçilikdən və hansı şəraitdə əldə olunmasından asılı olmayaraq, mühüm reallığı nümayiş etdirir: uzun illər davam edən münaqişə və etimadsızlıqdan sonra tərəflər elə bir nöqtəyə gəliblər ki, gərginlik və münaqişədən daha çox danışıqlar və anlaşmaya üstünlük veriblər.

KONKRET.az iran-a istinadla xəbər verir ki, bunu İran Prezident Aparatının sözçüsü Fateme Mohacerani bildirib.

Onun sözlərinə görə, İslam Respublikası regionda qonşu və nüfuzlu aktor kimi münaqişənin sona çatmasına, gərginliyin azalmasına və davamlı sabitliyin bərqərar olmasına gətirib çıxaran istənilən prosesi dəstəkləyib.

“Sazişi alqışlamaq milli və regional prinsiplərə əsaslanan şərti bir baxışdır. Əgər bu yol gərginliyin azaldılmasına, beynəlxalq sərhədlərin qorunmasına, ölkələrin milli suverenliyinə hörmət edilməsinə və iqtisadi əməkdaşlığın inkişafına gətirib çıxara bilərsə, İslam Respublikası məsuliyyətli qonşu kimi onun həyata keçirilməsinin asanlaşdırılmasında rol oynamağa hazırdır. Digər tərəfdən, meyllər bu prinsiplərin pozulduğu və ya bölgədə əcnəbilərin mövcudluğu və təsirinin gücləndiyi bir istiqamətə doğru hərəkət edərsə, İran şəraitə uyğun olaraq, öz mənafeyinin və regionun sabitliyinin müdafiəsi istiqamətində qəti mövqe nümayiş etdirəcək.

İslam Respublikası məsuliyyətli qonşu və etibarlı tərəfdaş kimi regional qarşılıqlı fəaliyyətlər çərçivəsində xalqların iradəsinə əsaslanan real, davamlı sülhün formalaşmasına kömək etməyə hazırdır. Məqsəd aydındır: xarici müdaxilədən azad, təhlükəsiz, sabit Qafqaz. Biz gələcəyə gözlə baxaraq və illərdir İran İslam Respublikasının xarici siyasətində kök salmış prinsiplər əsasında bu yolla gedəcəyik”, – deyə administrasiya sözçüsü vurğulayıb.