Rusiya qoşunları Xarkov vilayətinin Bohodukhiv şəhərinə S-300 raketləri atıb.

KONKRET.az xəbər verir ki, bunu Xarkov regional hərbi idarəsinin rəisi Oleh Syniehubov “Telegram”da yazıb.

“Düşmən yenidən Xarkov vilayətində mülki əhalini vurur. Bu gün Bohodukhiv şəhərinə düşmənin iki raketi, ehtimal ki, S-300-lər düşdü”, – deyə o qeyd edib.

Oleh Syniehubov bildirib ki, təcili yardım xidməti hadisə yerindədir.

“İlkin məlumatlara əsasən, tələfat yoxdur. Dağıntının miqyası barədə məlumat dəqiqləşdirilir. Yeni hücumlar ehtimalı var” – Syniehubov deyib.