“Həbsdən çıxan şəxslərin cəmiyyətə adaptasiyaolması üçün psixoloji hazırlıq vacib məqamlardan biridir. Həyatının müəyyən hissəsini həbsxanada keçirmiş şəxslərin dəyişən ictimaiyyətə adaptasiyası çətinləşir. Məhbus həyatı yaşamış şəxsləri qınamaq və qərəz nümayiş etdirmək olmaz”.
Bu fikirləri klinik psixoloq, psixoterapevt Rövşən Nəcəfov KONKRET.az-a açıqlamasında deyib.
“Həbsxanada cəzasını çəkmiş şəxsi yenidən cəmiyyətdə cəzalandırmaq olmaz. Məhbus həyatı keçmiş şəxslər də cəmiyyətdəki dəyişikliklərə qarşı nifrət sərgiləməməlidirlər. Psixoloji azadlığı olmayan insanı azadlığa buraxmaq yolverilməzdir”.
Bəs insanlar həbsdən sonra ictimai həyata qayıtmağa nə qədər hazırdırlar?
Ekspertin sözlərinə görə, məhbus həyatı yaşayan insanlar həbsxanadan tez bir müddətdə çıxmaq istəyirlər.
“Bəzi keşmiş məhbuslar azadlığa çıxandan sonra ictimai həyatlarında yenidən yüngül də olsa cinayətlər törədirlər. Odur ki, insanı yenidən cinayətə təhrik edən səbəbləri aradan qaldırmaq lazımdır. Sosial vəziyyətin çətinliyi insanların cinayət törətməsinə bəhanə olmamalıdır. Uğurlu və uyğun olan odur ki, azadlığa çıxacaq məhbuslarla əvvəlcədən psixoloji konsultasiyalar həyata keçirilsin”.
Aynurə İsmayıl
KONKRET.az