ABŞ-ın İkinci Dünya Müharibəsində Yaponiyanın Xirosima şəhərinə atdığı atom bombasından sağ xilas olan 96 yaşlı Sunao Tsuboi ölüb.

KONKRET.az xarici KİV-ə istinadən xəbər verir ki, bomba atılan zaman onun 20 yaşı olub.

Sunao Tsuboi bomba düşəndə universitetə gedirmiş. Bombanın düşdüyü ərazidən 1,2 kilometr uzaqda olsa da, onun bütün bədəni yanıb.

O, ölkəsindəki “Atom bombası və hidrogen bombasından xilas olanlar” təşkilatının rəhbəri olub.

Tsuboinin ailəsi onun ürək aritmiyasından vəfat etdiyini açıqlayıb.