Münaqişəli ölkələrin müdafiə nazirlərinin Türkiyə və İrana səfərləri ciddi maraq doğurur. Bütün bunlar o deməkdir ki, Cənubi Qafqazda gərginlik getdikcə artır”.

KONKRET.az xəbər verir ki, bu barədə Rusiyalı hərbi analitik Aleksandr Xramçixin bildirib.

Onun sözlərinə görə, danışıqlardakı gərginlik adətən hərbi eskalasiyaya səbəb olur. Analitikin fikrincə, o təhlükə indi də mövcuddur, çünki geosiyasi proseslər regiondakı vəziyyətə birbaşa təsir edir, çünki Qərb bütün resurslarını Rusiyanı buradan çıxarmaq məqsədinə yönəldib.

“Bu atmosfer bizi istənilən halda hərbi sektorun inkişafı haqqında düşünməyə vadar edir. Odur ki, Qərbdən hansısa silah-sursat almağa çalışan Ermənistan yəqin ki, İranla da hansısa variantları müzakirə edəcək, məncə, belə bir gündəm var, amma səslənmir. Təbii ki, bu da İranın uzunmüddətli səylərinin və təkliflərinin nəticəsidir.

Hesab edirəm ki, İrəvan İran-Qərb münasibətlərinə görə tərəddüd edirdi və yalnız oradan müəyyən razılıq aldıqdan sonra bu istiqamətdə müəyyən addımlar atmağa başlayır. Düşünürlər ki, Fransa və ya İranın mövqeyi Ermənistan məsələsində uyğunlaşın. Bu isə hazırkı Ermənistan-İran təmaslarında əsasdır”, – analitik qeyd edib.

Mdafiə naziri Zakir Həsənovun Türkiyəyə səfərinə gəlincə, ekspert hesab edir ki, Türkiyə-Azərbaycan hərbi sahədə əməkdaşlıq yeni deyil. “Azərbaycan prezidenti yenidən seçildikdən sonra Türkiyə ilə əməkdaşlığın dərinləşdirilməsini davam etdirəcəkdi. Gözlənilir ki, birgə hərbi-sənaye layihələri həyata keçiriləcək və bu yaxınlarda daha sürətli mərhələyə keçəcək. Odur ki, ya regional vəziyyətin gərgin olması, ya da geosiyasi və nazirlərin səfərlərinin üst-üstə düşməsi təbiidir”.

Xramçixinin sözlərinə görə, hazırda Ermənistanın təhlükəsizliyi baxımından İran öz mövqeyi ilə regionda vəziyyəti sabitləşdirə bilmiş əsas ölkədir. “Hesab edirəm ki, əməkdaşlığı siyasi sahədən təhlükəsizlik və hərbi sahələrə qədər genişləndirmək olar”.

Natiq Səlim,

KONKRET.az