“WhatsApp” tərtibatçıları 2025-ci il yanvarın 1-dən etibarən Android cihazlarının 19 modelində tətbiqə dəstəyin dayandırıldığını elan ediblər.

KONKRET.az “GSMArena”ya istinadən xəbər verir ki,  köhnə smartfon istifadəçiləri tətbiqdən istifadə edə bilməyəcəklər. Məhdudiyyət “Android KitKat” və ya əməliyyat sisteminin 10 ildən köhnə versiyalarından istifadə edən qurğuları əhatə edir. Siyahıya “Samsung”, “Motorola”, “HTC”, “LG”, “Sony” şirkətlərinin smartfonları daxildir. Bu cihazların istifadəçilərinə daha yeni cihazlara təkmilləşdirmələri tövsiyə olunur. Çünki yanvarın 1-dən bütün WhatsApp məlumatları, o cümlədən söhbətlərin tarixçəsi və media faylları həmişəlik silinəcək. Əvvəllər oxşar tədbirlər bəzi “iPhone” modellərinə tətbiq edilirdi. “WhatsApp” hazırda “Android 5.0” və daha yuxarı versiyalarla işləyən cihazları, həmçinin “iOS 12” və daha yuxarı versiyalarla işləyən “iPhone”-lərı dəstəkləyir. Tərtibatçılar qərarı yeni funksiyaların tətbiqi və təhlükəsizliyin təkmilləşdirilməsi zərurəti ilə izah ediblər.

Vəli Həsənov,

KONKRET.az