Yevlaxda baş vermiş ağır avtoqəzada ölən şəxslərdən birinin kimliyi müəyyən edilib.

KONKRET.AZ apa-ya istinadən bildirir ki, bu, 1975-ci il təvəllüdlü Goranboy rayon sakini Cəlal Rüstəmovdur. Həyatını itirən digər şəxslərin də kimliyi dəqiqləşdirilir.

Qeyd edək ki, yol qəzası zamanı “Hyundai” markalı yük maşını ilə “Mitsubishi” markalı minik maşını toqquşub.

***

Saat 18:59

Yevlaxda ölümlə nəticələnən ağır yol-nəqliyyat hadisəsi baş verib.

Hadisə Yevlax rayonu, Qaraməmmədli kəndi yaxınlığında qeydə alınıb. İki avtomobilin toqquşması ilə nəticələnən yol qəzası nəticəsində 3 nəfər ölüb.

Faktla bağlı araşdırma aparılır.