Zaqatala sakini atəş nəticəsində ölüb.

Daxili İşlər Nazirliyindən KONKRET.az-a verilən məlumata görə, bu gün axşam saatlarında  Zaqatala rayonunun Lahıc kəndindəki meşəlik ərazidə kənd sakini, 1994-cü il təvəllüdlü Cavidan Muradov ov tüfəngindən açılan atəş nəticəsində dünyasını dəyişib.

Məsələ ilə bağlı polisə məlumat daxil olub. Hadisə yerinə polis və prokurorluq əməkdaşları tərəfindən baxış keçirilib.

İlkin araşdırma zamanı C. Muradovun ov tüfəngi ilə ehtiyyatsız davranması nəticəsində silahdan açılan atəşdən öldüyü müəyyən edilib.

Faktla bağlı araşdırma aparılır.