“Rusiya Ermənistanla münasibətlərində “suveren bərabərlik” mövqeyindən çıxış edir”.

KONKRET.az xəbər verir ki, Rusiya Xarici İşlər Nazirliyinin sözçüsü Mariya Zaxarova bəyan edib ki, Rusiya tərəfi İrəvanın müstəqil qərarlarını nəzərdən keçirməyə hazır deyil.

“Biz müasir çağırışlar qarşısında və ortaq dəyərlərə və maraqlara əsaslanan Ermənistanla dərin əlaqələr qurmağa davam edirik”, – Zaxarova bildirib.

“Biz İrəvanla Moskva arasında münasibətlərə suveren bərabərlik mövqeyindən yanaşırıq. Bunda heç kim heç bir rol oynamayıb. Moskva həmişə respublikanın seçiminə hörmətlə yanaşıb, daim öz erməni dostlarının arqumentlərini diqqətlə dinləyib, onların müstəqil qərarlarını nəzərə alıb və baş verənlərə öz baxış bucağı ilə yanaşıb”.

Onun sözlərinə görə, Rusiyanın Ermənistanla münasibətlərini qurduğu prinsiplər: suverenlik və müstəqilliyə qarşılıqlı hörmət, daxili işlərə qarışmamaq, ərazi bütövlüyü, sərhədlərin toxunulmazlığı ikitərəfli münasibətlər üçün fundamental sənədlərdə təsbit olunub.

Zaxarova bəzi erməni siyasətçilərinin Moskvanın Ermənistana qarşı “hibrid müharibə aparması” və ona “quberniya” kimi yanaşması barədə bəyanatlarını “özünü alçaltma” kimi qiymətləndirib. “Mən heç vaxt bizim ictimai ritorikamızda belə uydurmalara rast gəlməmişəm. Ermənistanda niyə kimsə bunu informasiya sahəsində yaymalıdır?”, – Zaxarova vurğulayıb.

Zaxarova sonda deyib ki, “Moskva ortaq dəyərlər, maraqlar və bizi Ermənistanla birləşdirən dərin əlaqələr üzərində qurulub”.

Dəniz Pənahova 

KONKRET.az