ABŞ rəhbərliyi, İranın yeraltı nüvə obyektlərinə qarşı dünyanın ən güclü qeyri-nüvə silahı sayılan GBU-57 MOP (Massive Ordnance Penetrator) bombasının istifadəsini nəzərdən keçirir. Bu barədə Axios portalı məlumat yayıb.
KONKRET.az xəbər verir ki, GBU-57 MOP — 30 tonluq xüsusi bomba yüzlərlə metr dərinlikdəki möhkəmləndirilmiş obyektləri məhv etmək üçün hazırlanıb. Onun əsas hədəflərindən biri kimi Fordo şəhərindəki uran zənginləşdirmə mərkəzi göstərilir.
Bombanın B-2 Spirit strateji bombardmançı təyyarələri ilə atılması planlaşdırılır. Hərbi ekspertlərin fikrincə, Fordo kimi dərin obyektin tam məhvi üçün azı iki dəqiq və eyni nöqtəyə zərbə tələb olunur — bu isə indiyədək heç vaxt tətbiq olunmayıb.
Natiq Səlim,
KONKRET.az