ABŞ Hərbi Hava Qüvvələri 34 ildən sonra nüvə silahı daşıya bilən yeni nəsil “B-21 Raider” strateji bombardmançı təyyarəsini nümayiş etdirib.
KONKRET.az “Defense news”a istinadən xəbər verir ki, mərasim Kaliforniya ştatının Palmdeyl şəhərindəki “Northrop Grumman Corporation” zavodunda baş tutub.
Tədbirdə ABŞ-ın müdafiə naziri Lloyd Ostin də iştirak edib.
Məlumata görə, təyyarə gizli texnologiyadan istifadə edilməklə istehsal edilib. Onun dünyanın ilk altıncı nəsil bombardmançısı olduğu iddia edilir.
Bildirilib ki, “B-21 Raider” İkinci Dünya Müharibəsi zamanı Pörl-Harbora hücuma cavab olaraq Yaponiyaya qarşı bombardman əməliyyatına komandanlıq etmiş polkovnik-leytenant Ceyms Dulitlin şərəfinə adlandırılıb.
Qeyd olunub ki, təyyarə 2023-cü ildə havaya qalxacaq, ilk yerləşdirmə yeri ABŞ Hərbi Hava Qüvvələrinin Ellsworth (Cənubi Dakota) bazası olacaq.
İqbal Rzayev,
KONKRET.az