Alen Delon vəsiyyətinə uyğun olaraq Fransanın şimalındakı Duşa kommunasında, 35 itinin basdırıldığı məkanda dəfn ediləcək.

KONKRET.az xəbər verir ki, bu barədə informasiyanı BFMTV nəşri yayıb.

Heyvan hüquqlarının fəal müdafiəçisi kimi tanınmış Delon 50-dən çox itə sahib olub.

Xatırladaq ki, 2012-ci ilin dekabrında Alen Delon İrəvana gəlib və Çiçernakaberd memorial kompleksini ziyarət edib və burada “erməni soyqırımı” (qondarma – red.) qurbanlarının xatirəsini yad edib. O, həmçinin Müqəddəs Eçmiədzin Ana taxt-tacını ziyarət edib. Aktyorun sözlərinə görə, Ermənistanda insanların onu bu qədər sevdiyini ağlına belə gətirməyib.

Alen Delon avqustun 18-də 88 yaşında vəfat edib. Sənətçi xərçəngdən – diffuz limfoma və Alzheimer xəstəliyindən əziyyət çəkirdi. 2019-cu ildə o, ikiqat insult keçirib.

Aktyorun həyatının son illəri uşaqları ilə bağlı müxtəlif qalmaqallar və məhkəmə çəkişmələri ilə yadda qalıb. Ailə çəkişmələrinin səbəblərindən biri miras bölgüsü idi. Delona yaxın adamlar uşaqlarını aktyoru öldürməyə cəhddə ittiham ediblər. Aktyorun özü 2022-ci ildə evtanaziya yolu ilə ölmək istədiyini bildirib.

Natiq Səlim,

KONKRET.az