Azərbaycanlılar çox mehriban xalqdır. Bağışlayandır. Qonaqpərvərdir. Özgəsi gəlsə, azərbaycanlı masa arxasından yaxınını qaldıracaq və oraya bəlkə də bir daha görməyəcəyi həmin insanı yerləşdirəcək.

KONKRET.az xəbər verir ki, bu sözlər İosif Stalinə məxsusdur.

Mixail Kalininlə (1938-1946-ci illərdə SSRİ Ali Soveti Rəyasət Heyətinin sədri) söhbətində Stalin azərbaycanlıların digər xalqlara və dinlərə qarşı səbir ilə yanaşdıqlarını bildirirdi.

“Onlar əziyyətə dözümlüdür. Bir çoxları bundan istifadə edir. Xüsusən də ermənilər. Demək olar ki, XIX əsrin sonlarında və XX əsrin əvvəllərində ermənilər Bakıda bütün gəlir mənbələrini ələ keçirmişdi, bir çoxları milyonçu olmuşdu. Ermənilər Qafqazda banditizm aktlarına olan meyilləri ilə seçilirdilər. Onlar özləri və yaxınlarına sığınacaq vermiş xalqa qarşı çox ədalətsizlik edirdilər”, Stalin deyirdi.

Material SSRİ DTK-nın arxiv məlumatları əsasında hazırlanıb və Axar.az-ın redaksiyasına azərbaycanlı professor Kamran Rüstəmov tərəfindən təqdim olunub.