Bu gün səhər saatlarında Xəzərin sahilində balinaya bənzər canlının tapılması ilə bağlı iddialar yayılıb. 

KONKRET.az xəbər verir ki, sosial şəbəkələrdə sürətlə yayılan qeyri-dəqiq məlumatlarda onun kaşalot olması bildirilib.

Amma sözügedən nəhəng növün Xəzərin Bakı sahilində tapılması real görünmür. Bu, sadəcə olaraq COP29-un açılış günündə həyata keçirilən bir layihədir.

Məsələ ilə bağlı hələ ki, rəsmi məlumat verilməsə də, bununla sualtı aləmin problemlərinə, nəsli kəsilməkdə olan balıq növlərinə diqqət çəkildiyini demək mümkündür.

***

Xəzər dənizində naməlum varlıq tapılıb və hazırda Bakı bulvarında mütəxəssislər tərəfindən araşdırılır.

KONKRET.az-ın xəbərinə görə, araşdırmalar bu canlının, həqiqətən, balina olub-olmaması və Xəzər dənizinə necə gəlməsi ilə bağlı suallara cavab tapmağa yönəlib. Ekoloji mütəxəssislər və zooloqlar onun mənşəyi, dəniz ekosistemindəki rolu və yerli fauna ilə əlaqəsini öyrənməyə çalışırlar.

Bu mövzuda yeni məlumatlar ortaya çıxdıqca ətraflı məlumat verməyə davam edəcəyik.