Bakı-Sumqayıt yolunda avtobus zolağının çəkilməsinə başlanılıb.

KONKRET.az xəbər verir ki, zolağın yolun “Şamaxinka” adlanan ərazidən Masazır dairəsinədək olan hissəsini əhatə edəcəyi bildirilir.

Artıq yolun böyük hissəsində xüsusi zolağın çəkilişi başa çatdırılıb.

İşlər tam başa çatdıqdan sonra avtobus zolağına daxil olan minik avtomobilləri inzibati qaydada cərimələnəcək.

Qeyd edək ki, Bakı-Sumqayıt yoluna avtobus zolağının çəkilməsi xeyli vaxt idi müzakirə edilirdi. Bu yolda yüzlərlə iritutumlu avtobusun tıxacda qalması etirazlara səbəb olurdu.