Özəl daşıyıcı şirkət olan “Xaliq Faiqoğlu” MMC paytaxtda kondisioneri işləməyən avtobusla bağlı açıqlama yayıb.
KONKRET.az xəbər verir ki, qurumun mətbuat katibi Nizam Rzayev bakuws-ə açıqlamasında bildirib ki, gün ərzində texniki problemlər yaranır, lakin bunlar da aradan qaldırılır:
“Şirkətimizin istismarında olan marşrut xətləri üzrə xidmət göstərən müasir avtobusların hamısında kondisionerlər yay boyunca işlək vəziyyətdə olub. Lakin bəzi hallarda gün ərzində texniki problemlər yaranır və bunların aradan qaldırılması məqsədilə tədbirlər həyata keçiririk”.