Hindistan hakimiyyəti dizel və benzinin ixracına qoyulan məhdudiyyətlərin müddətini uzadıb.

Beləliklə, Nyu-Dehli daxili bazar üçün neft məhsullarının mövcudluğunu təmin etməyi planlaşdırır.

KONKRET.az xəbər verir ki, bu barədə “Reuters” məlumat yayıb.

Yeni qaydalara əsasən, ölkənin neft emalı zavodları illik benzin ixracının 50%-ni və dizel ixracının 30%-ni daxili bazara satmağı öhdələrinə götürüblər.

Eyni zamanda, belə məhdudiyyətlər Hindistandakı bəzi qeyri-dövlət prosessorlarının digər ölkələrə təkrar ixrac üçün Rusiya yanacağını almasına mane ola bilər. Bu, Rusiyadan neft məhsullarını almağı dayandıran avropalı idxalçılara da aiddir.

Məhdudiyyətlər keçən il qeyri-dövlət emalı şirkətləri “Reliance Industries” və “Nayara Energy”nin əhəmiyyətli mənfəət əldə etməyə başladıqdan sonra tətbiq edilib. Belə ki, şirkətlər yanacağın daxili bazarda satışını artırmaq əvəzinə ixracını artırıblar./Report