BMT-nin Fələstinli Qaçqınlara Yardım və İşlər üzrə Agentliyinin 88 əməkdaşı Qəzza zolağında həlak olub.

KONKRET.az xəbər verir ki, bu barədə BMT-nin yaydığı sənəddə bildirilir.

“Oktyabrın 7-dən bəri həlak olan humanitar işçilərin sayına UNRWA-nın 88 əməkdaşı daxildir. Bunlar BMT-nin indiyədək bir münaqişədə qeydə alınmış ən böyük itkiləridir”, – sənəddə deyilir.

Sənədi BMT baş katibinin müavini Martin Qriffits, Ümumdünya Səhiyyə Təşkilatının (ÜST) rəhbəri Tedros Adhanom Qebreyesus, BMT-nin Uşaq Fondunun (UNICEF) icraçı direktoru Ketrin Rassel və başqaları imzalayıblar. Onlar yenidən HƏMAS-ın götürdüyü girovların azad edilməsinə və Qəzza zolağında atəşkəsin əldə olunmasına çağırıblar.

“Qəzzada hərbi əməliyyatların başlamasından 30 gün keçdi . Hər şeyin həddi var. Buna son qoyulmalıdır”, – sənəddə qeyd edilir.

Ariz Həsənoğlu,

KONKRET.az