Kolumbiyalı “bodibildinq üzrə çempion” Zunilda Hoyos Mendez İspaniyanın Costa del Sol bölgəsindəki kirayə evində çəkiclə döyülərək qətlə yetirilib.

KONKRET.az Milli.Az-a istinadən xəbər verir ki, 43 yaşlı idmançının cəsədi evində tapılıb. Hadisə yerində onun 46 yaşlı sevgilisi Jarrod Gelling də özünə bıçaqla xəsarət yetirərək həyatını itirib.

İspan polisi hadisəni araşdırır və ilkin ehtimala görə, Gelling tərəfindən törədilmiş qadın qətlinin ardından intihar baş verib.

Zunilda-nın yaxınları onun bir neçə gündür itkin düşdüyünü, son zamanlar Dubaydan İspaniyaya gəldiyini və ayrılıq qərarı verdiyini bildiriblər. Onun əvvəllər də münasibətində gərginliklər yaşadığı, lakin bir müddət ayrıldıqdan sonra yenidən sevgilisi ilə bir araya gəldiyi qeyd olunub.

Qadının cəsədi bir dostunun verdiyi itkin müraciəti əsasında tapılıb. Polis məlumat verir ki, Zunilda-nın bədənində zorakılıq izləri aşkarlanıb. Əgər istintaq bu hadisəni qadın qətlinə çevirərsə, bu, 2025-ci ildə Malaga bölgəsində qeydə alınan üçüncü qadın cinayəti olacaq.