Bolqarıstan Avrozonaya üzv olmaq üçün tələblərə cavab vermir.

KONKRET.az TASS-a istinadən xəbər verir ki, bu barədə ölkənin maliyyə naziri Temenujka Petkova brifinqdə bildirib: “Avrozonanın üzvü olmaq üçün Bolqarıstan müəyyən meyarlara cavab verməlidir. Bizim cavab vermədiyimiz yeganə tələb qiymət sabitliyi meyarıdır. Eurostata görə, biz standartdan 0,1 faiz bəndi geri qalırıq. Biz hər cəhətdən hazır olduqdan sonra 14 gün ərzində konvergent uyğunluq hesabatlarının hazırlanması üçün Avropa Komissiyasına ərizə təqdim edəcəyik”, – deyə Petkova bildirib. Ekspertlər hesab edir ki, ölkənin əvvəllər güman edildiyi kimi 2026-cı il yanvarın 1-dən avro zonasına daxil olmaq perspektivi azdır. Bolqarıstanın büdcəsində təxminən 18 milyard lev (təxminən 9 milyard avro) kəsir var. 2025-ci ilin büdcəsi qəbul edilməyib. Enerji resurslarının və istehlak mallarının qiymətlərində artım var. İnflyasiyanın artacağı proqnozlaşdırılır ki, bu da çox güman ki, avrozonada bütün üzvlük tələblərinin yerinə yetirilməsinə imkan verməməlidir.

AK adətən iki ildən bir iqtisadi tərəqqi ilə bağlı hesabatlar dərc edir, lakin Aİ ölkəsinin Avro məkanına qoşulmağa hazırlığını qiymətləndirmək üçün xüsusi müraciəti əsasında bunu edə bilər. Alınan məlumatlara əsasən, Aİ Şurası sonradan ölkənin vahid Avropa valyutasına keçə biləcəyinə qərar verir.

Vəli Həsənoğlu,

KONKRET.az