2024-cü ilin yanvar-iyul aylarında Qırğızıstanla Avrasiya İqtisadi İttifaqına üzv ölkələri arasında ticarət dövriyyəsi azalmaqda davam edib.

KONKRET.az xəbər verir ki, bu barədə Qırğızıstan Milli Statistika Komitəsinin məlumatında deyilir.

Göstərilən dövrdə ticarət dövriyyəsi 2 milyard 378,1 milyon dollar təşkil edib ki, bu da ötən ilin yanvar-iyul ayları ilə müqayisədə 225,5 milyon dollar (-8,6%) azdır. Qırğızıstan Rusiya (-24,1%) və Qazaxıstana (-15,8%) ixracı, həmçinin Belarusdan (-30,8%) və Ermənistandan (-78,2%) idxalı azaldıb.