Uelsdəki “Deep Sleep Hotel” tərk edilmiş Kumortin mədənində 419 metr dərinlikdə yerləşir.

KONKRET.az xarici KİV-ə istinadən xəbər verir ki, qonaqlar otelə getmək üçün çətin yollardan keçməlidirlər.

Qeyd olunub ki, “Deep Sleep”in sahibləri mədəndə temperaturun 10 dərəcə olduğu barədə xəbərdarlıq edirlər. Ancaq oteldə otaqlar izolyasiya olunub, buna görə qonaqlar özlərini rahat hiss edirlər.

Otel həftədə yalnız bir gün – şənbə günləri açıqdır.

Məlumata görə, təxminən 1810-cu ildən 1939-cu ilə qədər işləmiş mədəndə yerləşən otelə getmək üçün çətin yolu qət edən qonaqlar pilləkənlər və körpülərdən keçirlər. Otelə eniş 45 dəqiqə çəkir.

Belə ki, otelin rəsmi saytında iki nəfərlik standart nömrənin qiyməti 350 funt-sterlinq, tənha mağarada iki nəfərlik gecələmə isə 550 funt-sterlinqdir.

İqbal Rzayev,

KONKRET.az