Mərkəzi Bankın yeni inzibati binasının tikintisinə bu günə qədər 477 mln. 348 min manat xərclənib, son tamamlama işlərinə daha 153 mln. 883 min manat xərclənəcək. Beləliklə, MB-ın yeni binası sonda 631 mln. 231 min manata başa gələcək. 631 milion manat!

KONKRET.az xəbər verir ki, bu sözləri iqtisadçı Natiq Cəfərli qeyd edib.

“Mərkəzi Bankın indiki binasında bir neçə dəfə olmuşam, gözəl, müasir binadır, bir tək fasad şüşələrinin rəngini dəyişib şəffaf etsələrdi, bəs edərdi.

Yeni binaya nədən ehtiyac yarandı? Niyə 631 mln. manat xərclənməli idi ki, bu binaya?

Bu vəsaitə Qarabağda 10 kənd, və ya 2 böyük qəsəbə tikmək olardı. Nə isə…” – o əlavə edib.