Azərbaycan xarici işlər naziri Ceyhun Bayramov Türkiyəyə işgüzar səfərə gedəcək.

KONKRET.az Türkiyə mediasına istinadən xəbər verir ki, Ceyhun Bayramov sözügedən ölkənin xarici işlər naziri Hakan Fidanın dəvəti əsasında avqustun 27-də yola düşəcək.

Səfər çərçivəsində XİN başçıları arasında görüş keçiriləcək.

Görüşdə ikitərəfli münasibətlər, Azərbaycan-Ermənistan sülh prosesi və Türkiyə-Ermənistanın münasibətlərinin normallaşması ilə bağlı məsələlər, o cümlədən regionda, xüsusilə də Qəzzada baş verən hadisələrin müzakirəsi gözlənilir.

Natiq Səlim,

KONKRET.az