Xəbər verdiyimiz kimi, daha əvvəl İspaniyanın “Sevilya” klubunun “Qarabağ”ın hücumçusu Olavio Juninyo ilə maraqlanması və bununla bağlı təklif göndərməsi barədə məlumat yayılmışdı. Hətta Ağdam klubunun direktoru Emrah Çelikel də məlumatı təsdiqləmişdi.
KONKRET.az İspaniyanın AS nəşrinə istinadən xəbər verir ki, hazırda Çempionlar Liqasında mübarizə aparan Serbiyanın “Srvena Zvezda” klubu da Juninyonu heyətinə cəlb etmək istəyir.
Xatırladaq ki, Juninyonun “Qarabağ”la müqaviləsi 2026-cı ilin yayında başa çatır. 28 yaşlı hücumçu Ağdam komandasına 2023-cü ilin yayında Portuqaliyanın “Çavez” klubundan transfer olunub.