Gəncədə mübahisə zəminində bıçaqlanma hadisəsi baş verib.

KONKRET.az xəbər verir ki, hadisə şəhərin “Köhnə Yevlax Avtovağzal” nın yaxınlığında yerləşən çörək sexlərinin birində qeydə alınıb.

1988-ci il təvəllüdlü Araz Xəlilov sol  diz nahiyəsinin bıçaq xəsarəti ilə xəstəxanaya yerləşdirilib. Dərhal xəstənin yarası tikilib, vəziyyətinin kafi olduğu bildirilir.

Məlumata görə, A.Xəlilov çörək sexinə gələn müştəri tərəfindən bıçaqlanıb.

Belə ki, müştəri bir neçə dəfə sexdə  mübahisə edib. Bu gün səhər saatlarında müştəri çörək sexinə gələrək sexin işçisi A. Xəlilovla növbəti dəfə mübahisə edib və onu bıçaqlayıb.