Oktyabrın 4-də İsmayıllı rayonu, Qurbanəfəndi kəndi ərazisində BMV və “Mersedes” markalı minik avtomobillərinin toqquşması nəticəsində hər iki sürücü ölüb.

KONKRET.az unikal.az-a istinadən xəbər verir ki, qəza nəticəsində “Mercsdes”in sürücüsü Rəşad Ələsgərov hadisə yerində həyatını itirib.

Əslən Kəlbəcər rayonundan olan R.Ələsgərov Oğuzda yaşayırdı.

Mərhumun qardaşı da yol qəzasında ölüb. Belə ki, 2021-ci ildə 26 yaşlı Mehman Ələsgərov avtomobilin yolun kənarındakı ağaca çırpılması nəticəsində dünyasını dəyişib.