Bakı şəhər Dövlət Yol Polisi İdarəsində səs-küy salaraq maneə yaradan şəxs həbs olunub.
KONKRET.az xəbər verir ki, bu barədə İdarənin bölmə rəisi, polis polkovniki Vaqif Əsədov məlumat verib.
O bildirib ki, vətəndaş Cəbiyev Nurlan Aqil oğlu Dövlət Yol Polisi İdarəsibə gələrək başqa bir sürücünün qayda pozuntusunun araşdırılmasına mane yaradıb. Həmin sürücünün qanunun tələblərini pozmadığını deyərək hay-küy salıb. Eyni zamanda polisinin qanuni tələblərinə tabe olmayıb.
İdarəyə 28-ci polis bölməsinin əməkdaşları dəvət edilib. Həmin şəxs barəsində İnzibati Xətalar Məcəlləsinin 535.1-ci maddəsi ilə protokol tərtib olunub. Toplanmış materiallar aidiyyəti üzrə məhkəməyə təqdim olunub. Məhkəmənin qərarı ilə Cəbiyev Nurlan Aqil oğlu 8 gün müddətində inzibati qaydada həbs edilib./publika.az