İstanbul Böyükşəhər Bələdiyyəsinin sədri Əkrəm İmamoğlu Pasxa bayramı münasibətilə Türkiyə Ermənilərinin Patriarxı Sahak Maşalyanı ziyarət edib.

KONKRET.az Türkiyə mediasına istinadən xəbər verir ki, səfər zamanı İmamoğlunu təqaüddə olan səfir Namık Tan və İstanbul Böyükşəhər Bələdiyyəsinin baş katibinin müavini Mahir Polat müşayiət edib.

“İstanbul Böyükşəhər Bələdiyyəsinin sədri olaraq xalqımızın daha yaxşı şəraitdə yaşaması üçün əlimdən gələni edirəm. “Azlıq” sözünü bəyənmirəm və bura erməniləri Pasxa bayramı münasibətilə təbrik etməyə gəlmişəm”, – İmamoğlu deyib.

Görüşün sonunda erməni patriarxı İmamoğluna qırmızı Pasxa yumurtası hədiyyə edib və ona uğurlar arzulayıb.

İqbal Rzayev,

KONKRET.az