Ermənistan hökuməti sərnişin daşımalarını elektron platformalar vasitəsilə həyata keçirən şirkətləri vergiyə cəlb etmək niyyətindədir.

KONKRET.az yerli KİV-ə istinadən xəbər verir ki, müvafiq qanunvericiliyə dəyişikliklər paketi iyunun 22-də hökumətin iclasında təsdiq edilib.

Məlumata görə, söhbət onlayn proqramlar vasitəsilə taksi xidmətləri göstərən şirkətlərdən (GG, Yandex, UTaxi və s.) gedir.

“Bu sahədə çalışanlar üçün qeyri-bərabər rəqabət şəraiti yaradılıb ki, bu da qanunsuz daşımaların təşkilinə şərait yaradır”, – məlumatda deyilir.

Əsaslandırmalara görə, qurumların fəaliyyəti tənzimlənmir, sahə üzrə işçilərin faktiki sayı, onların vergiləri ödəməməsi nəticəsində dövlət büdcəsinə daxil olmayan pul vəsaitlərinin məbləği barədə məlumat yoxdur.

İqbal Rzayev,

KONKRET.az