“Ermənistanda QHT sektoru ilkin olaraq düzgün formalaşmayıb: onlar hakimiyyətin hərəkətlərinə qarşı deyil, hakimiyyətin özlərinə qarşı olublar”.

KONKRET.az xəbər verir ki, bunu Ermənistanın keçmiş hakim Respublika Partiyasının sədr müavini Armen Aşotyan deyib.

“Bu da dövlətin günahıdır. Mən dövləti həddən artıq liberal olmaqda deyil, ictimai həyata alternativ yardımın olmamasında günahlandırıram… Ancaq sonda məlum oldu ki, Ermənistanda reallıqda vətəndaş cəmiyyəti yoxdur… Vətəndaş cəmiyyəti elə insanlardır ki, Cəmiyyətin, ölkənin, şəhərin və ya kəndin problemləri ilə maraqlanır, amma siyasətə getmirlər. Bizim “Soros” QHT sektorumuzu çox siyasiləşdirilib. Onlar həmişə hakimiyyətin hərəkətlərinə qarşı deyil, hakimiyyətin əleyhinə olublar. Bunlar çox fərqli şeylərdir”, – deyə Aşotyan MediaHub-da bildirib.

2018-ci ildə “Addım atın – Serjdən imtina edin” hərəkatının ideyası əslində indiki baş nazirə və o vaxtkı müxalifət lideri Nikol Paşinyana məxsus deyildi. Paşinyanın ideyası “Addım at” şüarı ilə qaynayıb-qarışıb. Əslindı ikinci hissənin müəllifləri “90 yaşlı ölməz milyarderin əlindən qidalanan balalardır”.

O izah edib ki, “Soros” üçün vacib olan “mübarizə obyekti”nin özü deyil, ağacları kəsməkdən xilas etmək və ya insan hüquqlarını qorumaq adı ilə hər şeylə spekulyasiyadır. Məhz bu səbəbdən keçmişdə qalmaqala səbəb ola biləcək şeylər bu gün də diqqətdən kənarda qalır.

“Siz Maştots meydanında etirazlar məsələsini qeyd etdiniz, lakin hakimiyyət dəyişikliyindən sonra hadisələr yüz dəfə daha fəlakətli oldu, lakin hüquq müdafiəçiləri susdular. Əslində bunlar hüquq müdafiəçiləri deyil, “hüquq muzdluları”dır. Onların həyatının mənası yalnız puldur.

Natiq Səlim,

KONKRET.az