Ermənistan parlamentində müxalif “Ermənistan” fraksiyasının rəhbəri Seyran Ohanyana rəsmi ittiham irəli sürülüb.

KONKRET.az xəbər verir ki, Ohanyan Ermənistan İstintaq Komitəsində dindirilməkdən imtina edib və irəli sürülən ittihamları tanımadığını bəyan edib.

Ona qarşı qətimkan tədbiri olaraq ölkəni tərk etməmək barədə iltizam seçilib.

Sabiq müdafiə nazirinə qarşı bir neçə maddə üzrə ittiham irəli sürülüb. Bunlar vəzifə səlahiyyətlərindən sui-istifadə, rüşvət alma, çirkli pulların yuyulması və gəlir bəyannaməsində yalan məlumatların verilməsidir.