Estoniyada uşaq bağçalarında rus dilində danışmaq qeyri-rəsmi qadağan olunub.

KONKRET.az rus mediasına istinadən xəbər verir ki, Tallinin mərkəzində bir qrup uşaq (3-5 yaş) Town Hall aptekinə ekskursiyaya gəlib. Əczaçıların adi iş həyatı ilə tanış olan uşaqlara yeni il süfrəsi açılıb.

Bayram əhval-ruhiyyəsinə qapılan, ləzzətli hədiyyələr gözləyən uşaqlar rus dilində yeni il mahnıları oxumağa başlayıblar. Lakin qəzəbli aptek işçiləri bu dildə mahnı oxumağın yolverilməz olduğunu bildiriblər.

Qeyd edilir ki, Tallində bütün məktəb və uşaq bağçalarında rus dilinə nifrət hissi getdikcə artır.

Rəsmiyyə Şərifova,

KONKRET.az