Formula 1 üzrə dünya çempionatının idman direktoru, ingilis Ross Braun vəzifəsini tərk edib.

KONKRET.az xəbər verir ki, bu barədə qurumun mətbuat xidməti məlumat yayıb.

“İndi təqaüdə çıxmağım üçün doğru vaxtdır. İşin çoxunu etdik, indi konsolidasiya dövründəyik. 2026-cı ildə yeni avtomobil olacaq, amma hələ dörd il var, mənim üçün bu, kifayət qədər uzun müddətdir. Buna görə də növbəti qrup insanlar üçün “Mən Formula 1-i əla vaxtda tərk edirəm”- deyə Braun bildirib.

68 yaşlı Braun 2017-ci ildən Formula1-in idman direktoru vəzifəsini icra edir. Mütəxəssis Formula1-də karyerasına 1978-ci ildə Williams komandasının mühəndisi kimi başlayıb və 1989-1991-ci illərdə Formula1-i tərk edib. 1991-ci ildən ingilis Benetton-un texniki direktoru və konstruktoru vəzifəsində çalışıb, komandanın pilotu alman Mixael Şumaxer iki dəfə çempionluq titulunu qazanıb (1994, 1995), komanda həm də Konstruktorlar Kubokunu (1995) qazanıb. 1997-ci ildən Braun Ferrari-də işləyib, onun rəhbərliyi altında komanda altı Konstruktorlar Çempionatının qalibi (1999-2004), Şumaxer isə daha beş liqa titulunu qazanıb (2000-2004).

2006-cı il mövsümünün sonunda Şumaxer Ferrari-ni tərk edib və Braun fəaliyyətinə bir il ara verib. 2008-ci ildə ingilis Honda komandasının rəhbəri olub və 2009-cu ilin martında onu alaraq Braun adlandırıb.