İfrat sağçılar alyansı Fransada keçirilən ümumi seçkilərin ilk turunda bir addım önə keçib.
KONKRET.az xəbər verir ki, Le Penin başçılıq etdiyi ifrat sağçıların 33,15 faiz səs alması dünya mətbuatının gündəminə çevrilib. Le Penin “Biz Makronu məhv etdik” sözünün ardınca ABŞ mediası “Washington Post” Fransada böhranın yeni başladığını yazıb.
Fransada keçirilən son 3 seçkidə səslərini artırmağa davam edən ifrat sağçı RN 9 iyunda keçirilən Avropa Parlamenti (AP) seçkilərində 31,4 faiz səslə birinci olub Parlament birinci turunu iyunun 30-da, ikinci turunu isə iyunun 9-da keçirdi. İlk turun iyulun 7-də keçirilməsi ilə növbədənkənar seçkilərin keçirilməsinə qərar vermişdi.
Daxili İşlər Nazirliyinin açıqladığı seçkinin nəticələrinə görə, ifrat sağçı alyans 33,15 faiz səslə birinci, solçu partiyaların yaratdığı Yeni Xalq Cəbhəsi Alyansı isə 28 faiz səslə ikinci yerdə qərarlaşıb.
Prezident Emmanuel Makronun “Birgə Respublika naminə” alyansı 20 faiz səslə üçüncü yerdə qərarlaşıb.
Seçkilərdə partiya və ittifaqların qalib gəlmək üçün mübarizə apardığı Nümayəndələr Palatasındakı 577 yerdən 76-sı birinci turda qazanıldığı halda, qalan 501 yerin sahibləri iyulun 7-də keçiriləcək ikinci turda müəyyənləşəcək. .
LE PEN: MAKRONU MƏHV ETDİK
2027-ci ildə yenidən Milli Birlik Partiyasının prezidentliyə namizədi olacağı gözlənilən Marin Le Pen exit-polldan sonra verdiyi açıqlamada deyib: “Demokratiya öz sözünü dedi və Fransa xalqı Milli Birlik Partiyasını və müttəfiqlərini zirvəyə çatdırdı və az qala Makron düşərgəsini məhv etdi”.
Le Pen “Xalq açıq şəkildə 7 illik alçaldıcı və aşındırıcı idarəçiliyə son qoymaq istəyir” dedi və ikinci turda seçicilərdən dəstək istədi.
FRANSIZ MEDİASI: “MAKRON ÖZ SONUNU GƏTİRDİ”
Fransa mətbuatı iyunun 9-da Milli Məclisi buraxan prezident Emmanuel Makronun Avropa Parlamenti seçkilərində ifrat sağçıların böyük fərqlə birinci yeri tutmasından sonra növbədənkənar seçkilər təyin etməklə öz sonunu gətirdiyini dəyərləndirib.
“The New York Times” öz xəbərlərinə aşağıdakı bəyanatları daxil edib:
“Bazar günü keçirilən səsvermənin nəticəsi hər bir partiyanın qazanacağı parlament mandatlarının sayı ilə bağlı etibarlı təxmin yaratmır. Lakin Milli Mitinq indi çox güman ki, Milli Assambleyanın ən böyük qüvvəsi, Parlamentin aşağı palatasında mütləq çoxluq olmasa da ən çox yer tutacaq. İndi səsvermənin birinci turu göstərir ki, ən çox ehtimal olunan nəticələr ya Milli Mitinq üçün mütləq çoxluq, ya da idarə olunmayan Milli Assambleya olacaq. İkinci ssenaridə, iki böyük blok yaranacaq. sağ və sol”.
Challenges jurnalının “2024-cü il ümumi seçkiləri: Kral Makronun səltənətinin sonu” başlıqlı xəbərdə Makronun Milli Məclisi buraxmaqla öz süqutuna səbəb olduğu qeyd edilib.
Xəbərdə Makronun keçmiş baş naziri Edouard Philippe, hazırkı İqtisadiyyat naziri Bruno Le Maire və daxili işlər naziri Gerald Darmaninin Makronun tənəzzülünü daha da sürətləndirdiyi ifadə edilib: “Bu ümumi seçkilər Makronizmin hakimiyyətinin sonunu göstərə bilər”.
ABŞ MEDİALARI: “FRANSADA BÖHRAN BAŞLADI”
ABŞ-ın “Washington Post” qəzeti seçkilərin birinci turunun Makronun mərkəzçi ittifaqını darmadağın etdiyini və ikinci turda açıq səs çoxluğu əldə olunmasa, Fransa siyasətinin iflic ola biləcəyini yazıb. Qəzet Fransanın ABŞ-dakı keçmiş səfiri Jerar Araudun sözlərinə istinad edib: “Fransa böhranı yeni başlayıb”.
Natiq Səlim,
KONKRET.az