Ermənistan 30 il ərzində öz havadarlarından lazımı dəstək alıb. Elə bunun nəticəsidir ki, on illiklər ərzində Azərbaycan ərazilərini işğaı altında saxlayan Ermənistana gözün üstündə qaşın var deyən də olmayıb.

BMT qətnamələrini yerinə yetirməkdən boyun qaçıran Ermənistan, onları himayə edən güclərin hesabına işğal etdiyi Azərbaycan ərazilərində dəhşətli dağıntılar aparıb, daşı daş üstə qoymayıb. İyirmi səkkiz il ATƏT-in Minsk qrupunda təmsil olunan dövlətlər Ermənistanın işğalçılıq siyasətini dolayısı ilə dəstəkləyiblər. Havadarlarının ciddi dəstəyinə arxalanan Ermənistan isə status-kvonun əbədi olacağını düşünərək ərazilərimizi işğalda saxlamqda davam edib.

44 günlük Vətən müharibəsi göstərdi ki, Minsk qrupunda təmsil olunan dövlətlərdən Fransa erməniləri nəinki müdafiə edir, hətta Azərbaycanı təhdid etməkdən çəkinmir. Fransanın bu iyrənc mövqeyi bir daha göstərdi ki, 28 il aparılan danışıqlar sadəcə formal xarakter daşıyıb. Fransanın müharibədən sonrakı mövqeyi də bəllidir. Qərbi Avropa dövləti bir mənalı olaraq Ermənistanın yanındadır və düşmən ölkəyə hərbi siyasi yardım etməkdən belə çəkinmir.

İyinun 14-də Fransa parlamentində xarici işlər naziri Ketrin Kolonna Ermənistana yardımla bağlı sualları cavablandırarkən:

“Biz daim Ermənistanın yanındayıq. Güman edirik ki, iki ölkə arasında ədalətli sülh əldə ediləcək. Biz Ermənistanı tək buraxmayacayıq. Bunu prezidentin göstərdiyi səylər də sübut edir. Biz həmişə olduğu kimi, Ermənistanı dəstəkləməkdə davam edəcəyik” -deyib.

Vəli Həsənov,

KONKRET.az